کراچی: کاؤنٹر ٹیررزم ڈیپارٹمنٹ نے شام سے تربیت حاصل کرنے والے 2 دہشت گردوں کو گرفتار کر لیا، جن میں سے ایک سابقہ پولیس اہلکار رہ چکا ہے۔
تفصیلات کے مطابق کراچی میں سی ٹی ڈی اور حساس ادارے کی مشترکہ کارروائی میں دو ملزمان گرفتار ہوگئے ہیں، جن کی شناخت سید رضا احمد اور سید خرم علی کے نام سے کی گئی ہے۔
انچارج سی ٹی ڈی خرم وارث کے مطابق ملزمان ملک شام سے دہشت گردی کی تربیت حاصل کر کے آئے تھے، اور ان کا تعلق ہائی ویلیو ٹارگٹ نامی اسپیشل اسکوارڈ سے ہے، یہ ملزمان بیرون ملک سے ملنے والے احکامات پر اہم شخصیات کو قتل کرتے ہیں۔
سی ٹی ڈی کے مطابق ملزمان ٹارگٹ کلنک میں ملوث ہیں، اور اہم شخصیات کی ریکی کر چکے تھے، ان کے نشانے پر کچھ غیر ملکی افراد بھی تھے۔
راشد منہاس روڈ پر شاپنگ مال میں آتش زدگی کا مقدمہ درج، کے الیکٹرک و دیگر ادارے نامزد
ملزم سید رضا احمد سابق پولیس اہلکار ہے جسے 1994 میں محکمے سے نکالا گیا تھا، سی ٹی ڈی کا کہنا ہے کہ گرفتار ملزمان کو قتل کی وارداتوں کے عوض بھاری رقم ملتی تھی۔
