کراچی : گلستان جوہر بلاک 15میں عالم دین ضیاالرحمان کی ٹارگٹ کلنگ کے واقعے کی تحقیقات میں قتل کی جگہ کے سی سی ٹی وی کیمرے خراب نکلنے کا انکشاف ہوا، کوئی بھی کیمرہ ریکارڈنگ نہیں کرتا۔
تفصیلات کے مطابق کراچی کے علاقے گلستان جوہر بلاک15میں عالم دین ضیاالرحمان کی ٹارگٹ کلنگ کے واقعے کی تحقیقات جاری ہے، پولیس حکام نے بتایا کہ فیڈرل بورڈ آف ریونیو دفتر کےسی سی ٹی وی کیمرے خراب نکلے۔
حکام کا کہنا تھا کہ دفتر کے باہر موجود تمام کیمرے خراب ہیں، کوئی بھی کیمرہ ریکارڈنگ نہیں کرتا، اگست 2017 میں بھی اسی جگہ فائرنگ کا واقعہ پیش آیا تھا، ایف بی آر کے 2 ملازم پولیس سے مشابہت رکھنے والی یونیفارم میں تھے۔
یاد رہے کراچی کے علاقے گلستان جوہر بلاک 15 میں ضیاالرحمان کی مبینہ ٹارگٹ کلنگ کا مقدمہ درج کرلیا گیا ، مقدمہ گلستان جوہر تھانے میں قتل کی دفعہ302کے تحت درج کیا گیا۔
چچازاد بھائی نے بتایا تھا کہ ضیا الرحمان کو ایف بی آر بلڈنگ کے قریب قتل کیا گیا، ضیاالرحمان واک کرنےکیلئے ایف بی آر پارک آئےہوئےتھے کہ نامعلوم افراد فائرنگ کرکے فرار ہوگئے۔
مقتول پرنسپل ضیاالرحمان کا پوسٹ مارٹم مکمل کرلیا گیا ہے ، جس کے بعد لاش ورثا کے حوالے کی جائے گی۔
گذشتہ روز گلستان جوہر بلاک سولہ میں فائرنگ کا واقعہ پیش آیا، مولانا ضیاء الرحمن پارک سے واک کر کے گھرجا رہے تھے اس دوران دو موٹر سائیکلوں پر سوار نامعلوم افراد نے فائرنگ کر کے انہیں قتل کردیا، مقتول شیخ ضیاالرحمان سےکوئی چیزچھینی نہیں گئی۔
ایس ایس پی ایسٹ عرفان بہادر کا کہان تھا کہ واقعہ ٹارگٹ کلنگ کا ہے ، مختلف زاویوں سےتحقیقات کی جارہی ہیں، ایک موٹرسائیکل پر 2 حملہ آور تھے، جائے وقوعہ سے 2 مختلف ہتھیاروں کے 11خول ملے ہیں، تاہم جائےوقوعہ سےملنےوالےخول فرانزک کیلئےبھیجےگئےہیں۔
ایس ایس پی ایسٹ نے کہا تھا کہ واقعہ فرقہ وارانہ ہےیاکوئی اورتحقیقات کی جارہی ہیں، واقعےمیں’’را ‘‘کےملوث ہونےکاشبہ ہے، ابتدائی طورپربھارتی خفیہ ایجنسی را کے ملوث ہونےکے شواہد ملے ہیں۔
