وزیر قانون نے کہا ہے کہ سینیٹ ارکان کی ٹیکس کٹوتی کے بعد تنخواہ ایک لاکھ 70 ہزار فی کس ہے، قانون سازوں اور ججز کی تنخواہوں میں بہت ہے۔
سینیٹ اجلاس کے دوران ججز اور ارکین پارلیمان کی تنخواہوں کا ایوان میں موازنہ کیا گیا، اظہار خیال کرتے ہوئے وفاقی وزیر قانون اعظم نذیر تارڑ کا کہنا تھا کہ سپریم کورٹ، ہائیکورٹ کے کسی جج کی تنخواہ 10 لاکھ سے کم نہیں ہے۔
وزیر قانون نے کہا کہ قانون سازوں اور انصاف کرنے والوں کی تنخواہوں میں بہت زیادہ فرق ہے، ٹیکس کٹوتی کے بعد سینیٹ اراکین کو تنخواہ کی مد میں ایک لاکھ 70 ہزار روپے ملتے ہیں۔
اعظم نذیر تارڑ نے کہا کہ اعلیٰ عدلیہ کے ججزکی تنخواہیں عوام کے ٹیکسز سے ملتی ہیں، اگر اپوزیشں ارکان کی کوئی تجاویز ہوں تو حکومت کو بھجوائی جاسکتی ہیں۔
وزیر قانون نے کہا کہ اگر ججز کی تنخواہوں میں تخفیف کرنا چاہتے ہیں تو میں یہ پیغام پہنچا دوں گا، ارکان اگر تنخواہ میں اضافہ کرنا چاہتے ہیں تو وہ بھی بتادیں۔
