سیلز ٹیکس دہندگان کو سہولت دینے پر غور

اسلام آباد: فیڈرل بورڈ آف ریونیو (ایف بی آر ) نے سیلز ٹیکس دہندگان کو ایک پورٹل میں ٹیکس سہولت دینے پر غور شروع کردیا ہے۔

تفصیلات کے مطابق ملک بھر میں سیلز ٹیکس کا سنگل پورٹل لانے کی تیاریاں کرلی گئیں ، ذرائع نے بتایا ہے کہ سیلز ٹیکس دہندگان کو ایک پورٹل میں ٹیکس سہولت دینے پر غور کیا جارہا ہے۔

اس سلسلے میں چیئرمین ایف بی آر نے 10 افسران کی تین خصوصی کمیٹیاں قائم کردیں اور نوٹیفکیشن جاری کردیا ، جس میں کہا گیا ہے کہ سپروائزری کمیٹی میں گریڈ 21 کے ریفارم ممبرعردشیر سلیم شامل ہوں گے۔

سپروائزری کمیٹی میں گریڈ 21 کے ممبر آئی ٹی ڈاکٹر ناصر ، امپلی مینٹیشن کمیٹی میں گریڈ 20 کے زین العابدین سمیت دیگر 5 افسران بھی شامل ہیں جبکہ گریڈ 20 کے ڈائریکٹر پروگرام محمد خالد اور سعدیہ اکمل بھی کمیٹی کا حصہ ہیں۔

Comments