فرانس کے شہر آراس میں نامعلوم چاقو بردار شخص نے اسکول میں گھس کر اساتذہ پر حملہ کر دیا جس کی تحقیقات انساد دہشتگردی کے پراسیکیوٹر کے دفتر کو سونپ دی گئی۔
عالمی خبر رساں ادارے کی رپورٹ کے مطابق چاقو حملے میں ایک استاد ہلاک جبکہ دوسرا شدید زخمی ہوا۔ پولیس نے حملہ آور کو گرفتار کر لیا اور شہریوں سے ایپل کی ہے کہ وہ اس علاقے کا رُخ نہ کریں۔
پولیس کے مطابق حملہ آور نے اسی اسکول سے تعلیم حاصل کی اور ممکنہ سکیورٹی رسک کے باعث پولیس کو مطلوب تھا۔ ملزم کی شناخت اب تک ظاہر نہیں کی گئی تاہم اس کی عمر 20 سال بتائی گئی ہے۔
چاقو حملے سے خود کو بچانے والے استاد کا کہنا ہے کہ ہم سب صدمے کی حالت میں ہیں۔ انہوں نے بتایا کہ میں نے حملہ آور کو دو کلاسوں کے درمیان صحن میں باورچی کے پیچھے جاتے ہوئے دیکھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں