گوجرانوالہ: پنجاب کے شہر گوجرانوالہ میں بیٹے کے ساتھ کھیلنے سے انکار پر قاری نے تین کمسن بچوں کو تشدد کا نشانہ بنا ڈالا۔
اے آر وائی نیوز کی رپورٹ کے مطابق گوجرانوالہ میں بیٹے کے ساتھ کھیلنے سے منع کرنے پر قاری نے تین کمسن بچوں پر تشدد کیا، قاری سعید نے گھر بلا کر تینوں بچوں کے سر کے بال کاٹ دئیے اور بھویں مونڈ ڈالیں۔
افسوسناک واقعہ گوجرانوالہ کے علاقے راجکوٹ میں پیش آیا، قاری نے تین کمسن بچوں ابو ہریرہ، شاہ زیب اور حسن کو گھر بلایا اور ان کے سر کے بال کاٹ کر بھویں بھی مونڈ دیں۔
بچوں کے اہلخانہ نے قاری سعید کے خلاف ایف آئی آر میں الزام عائد کیا کہ قاری نے بچوں پر تشدد بھی کیا۔
مزید پڑھیں:قاری نے 10 سالہ بچے کو زیادتی کا نشانہ بناڈالا
پولیس نے واقعہ کا مقدمہ درج کرکے تحقیقات شروع کردی ہیں، آخری اطلاعات تک قاری کی گرفتاری عمل میں نہیں آئی تھی۔
واضح رہے کہ گزشتہ سال دسمبر میں خیبرپختونخوا کے شہر مانسہرہ میں قاری نے بچے کو زیادتی کا نشانہ بنا ڈالا تھا، پولیس نے دیگر معاونین کو گرفتار کرلیا تھا جبکہ مرکزی ملزم کی گرفتاری کے لیے اسپیشل ٹیمیں تشکیل دے دی گئی تھیں۔
بچے کے چچا علی گوہر نے رپورٹ درج کرائی تھی کہ اس نے اپنے بھتیجے کو تین ماہ قبل مدرسہ تعلیم القرآں ٹھاکر میرا پڑھنہ میں دینی تعلیم حاصل کرنے کے لیے داخل کرایا تھا۔
