بھارت میں 2 اساتذہ نے ہوم ورک نہ کرنے والے طالبعلم پر بہیمانہ تشدد کرنے سے آٹھویں جماعت کا طالبعلم علاج کے دوران دم توڑ گیا۔
مبینہ طور پر یہ واقعہ بھارت کے شہر پریم نگر میں 12 جولائی بدھ کو پیش آیا، اسکول کے 2 اساتذہ کے تشدد کے بعد بچے کو اسپتال میں داخل کرایا گیا تھا جہاں بدترین تشدد کے بعد طالبعلم زخموں کی تاب نہ لاتے ہوئے دم توڑ گیا۔
بھارتی میڈیا رپورٹ کے مطابق ہلاک ہونے والے طالبعلم کی شناخت کرشنا چوہان کے نام سے ہوئی ہے جو گوالیار کے فورٹ ویو اسکول کا طالب علم تھا۔
مقامی پولیس کا کہنا ہے کہ دو ملزم اساتذہ کی شناخت سونو شریواستو اور اکبر خان کے نام سے ہوئی ہے، ان کے خلاف آئی پی سی سیکشن 304 اور جوینائل جسٹس ایکٹ سیکشن 75 کے تحت مقدمہ درج کیا گیا ہے۔
گوالیار کے سی ایس پی نے کے مطابق لڑکے کی علاج کے دوران موت ہو گئی جس کے بعد اس کے والدین نے اسکول کے دو اساتذہ کے خلاف شکایت درج کرائی، والدین کے بیانات درج کر لیے گئے ہیں اور تحقیقات جاری ہیں۔
