نئی دہلی: بھارت میں مسافر ٹرین پیچھے کی جانب چلنے لگی جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق بھارت میں ایک مسافر ٹرین پیچھے کی جانب مسلسل 35 کلو میٹر تک چلتی رہی، واقعے میں کوئی جانی نقصان نہیں ہوا۔
نئی دہلی سے اترکھنڈ جانے والی ٹرین اس وقت تکنیکی خرابی کا شکار ہوئی جب ڈرائیور نے پٹڑی پر چلنے والی گائے کو بچانے کی کوشش کی۔
بعض رپورٹ کے مطابق مسافر ٹرین پیچھے کی جانب 35 کلو میٹر تک سفر کیا لیکن وزات ریلوے کی جانب سے فوری طور پر فاصلے کا نہیں بتایا گیا۔
#WATCH | Purnagiri Jansatabdi train runs backwards due to cattle run over b/w Khatima-Tanakpur section in Uttarakhand. Incident happened earlier today.
There was no derailment & passengers were transported to Tanakpur safely. Loco Pilot & Guard suspended: North Eastern Railway pic.twitter.com/808nBxgxsa
— ANI (@ANI) March 17, 2021
واضح رہے کہ بھارت میں خستہ حال ریلوے ٹریک پر خطرناک حادثات اکثر رونما ہوتے رہتے ہیں۔
اس واقعے کے حوالے سے ریلوے حکام کا کہنا ہے گزشتہ روز ہونے والا واقعہ مویشی کے پٹڑی پر بھاگنے کی وجہ سے پیش آیا۔
ریلوے حکام کا کہنا ہے کہ ٹرین ایک یارڈ کے پاس رک گئی اور تمام مسافروں کو دوسری ٹرین کے ذریعے ٹنکپور روانہ کردیا گیا۔
ریلوے حکام کی جانب سے یہ واضح نہیں کیا گیا کہ ٹرین کو کنٹرول کیسے کیا گیا تاہم ڈرائیور اور گارڈ کو معطل کردیا گیا۔
