ڈسکہ: شادی میں مہمان بن کر آنے والے 2 نوعمر چور ہاتھ کی صفائی دکھا کر لاکھوں روپے اور موبائل فون لے اڑے۔
تفصیلات کے مطابق ڈسکہ میں شادی کی تقریب میں آنکھ بچا کر کم عمر چوروں نے لاکھوں روپے اور قیمتی موبائل فون لوٹ لیا۔ مہمان بن کر آنے والے دونوں نوعمرچوروں نے شادی ہال کی بجلی بند ہوتے ہی واردات کرڈالی۔
پولیس کو دی گئی درخواست میں کہا گیا ہے کہ دونوں چور لائٹ بند ہوتے ہی دلہن کا پرس چراکرغائب ہوگئے۔ پرس میں 19 لاکھ روپے اور 4 لاکھ مالیت کا موبائل فون موجود تھا۔
- Advertisement -
دلہن کے والد طارق نے سٹی پولیس اسٹیشن میں درخواست جمع کرائی ہے۔ پولیس نے بتایا کہ واردات سے قبل دونوں چوروں نے باراتیوں کے ساتھ کھانا بھی کھایا۔