مخاچ قلعہ: روسی علاقے داغستان کے شہر مخاچ قلعہ کے ایئرپورٹ پر اس وقت برہم ہجوم نے دھاوا بول دیا جب انھیں یہ اطلاع ملی کہ اسرائیلی شہر تل ابیب سے وہاں ایک پرواز پہنچی ہے۔
غیر ملکی میڈیا رپورٹس کے مطابق داغستان کے مرکزی ایئرپورٹ پر سیکڑوں لوگوں نے احتجاج کرتے ہوئے دھاوا بولا، غزہ میں جاری جنگ کے اس نازک موقع پر وہاں تل ابیب سے ایک پرواز کی آمد پر لوگ مشتعل ہو گئے تھے۔
اتوار کے روز ہجوم نے مخاچ قلعہ ایئرپورٹ پر سیکورٹی کو توڑا اور رن وے تک پہنچ گئے، فلسطینی پرچم لیے لوگ اسرائیلیوں کی تلاش کرتے رہے کہ کہیں تل ابیب سے آنے والی پرواز میں کوئی اسرائیلی تو نہیں۔
دھاوا بولنے کی وجہ سے ایئرپورٹ پر بھگدڑ مچنے اور پولیس کے ساتھ تصادم میں 20 افراد زخمی ہو گئے، حکام نے اس واقعے کی وجہ سے ہوائی اڈے کو بند کر دیا اور پروازوں کا رخ موڑ دیا، بعد ازاں ہجوم کو سیکورٹی فورسز نے ہٹا دیا۔
In #Dagestan, a crowd stormed the building of Makhachkala airport in search of Jews from a flight from Tel Aviv. pic.twitter.com/TaBvakBKIE
— NEXTA (@nexta_tv) October 29, 2023
Another video of the evening breakout of pogromists onto the tarmac of Makhachkala airport has appeared on the Internet. pic.twitter.com/YU7VPCHQxo
— Sprinter (@Sprinter99800) October 29, 2023
مقامی خبروں میں بتایا گیا ہے کہ مذکورہ طیارے کا تعلق روسی کیریئر ریڈ ونگز سے تھا۔ سوشل میڈیا فوٹیج میں خوف زدہ مسافروں کو دکھایا گیا ہے کہ وہ مخاچ قلعہ ہوائی اڈے کے رن وے پر ہنگامہ آرائی کے درمیان جہاز میں دوبارہ داخل ہونے کے لیے بھاگ رہے ہیں۔
A Russian Pilot telling Passengers on a Plane at Makhachkala International Airport in Dagestan to not attempt to Open any of the Doors due to the Rioters on the Tarmac which are trying to enter the Aircraft. pic.twitter.com/lwTW0Zg3V6
— OSINTdefender (@sentdefender) October 29, 2023
Worrying footage from Dagestan, Makhachkala airport. Apparently, searches of arriving passengers are being made by a local crowd that gathered after it emerged that a group of Israelis were at the airport. pic.twitter.com/7RQsV6Xl4N
— Dmitri (@wartranslated) October 29, 2023
ویڈیوز میں احتجاجی ہجوم کو شیشے کے دروازے توڑتے اور ایئرپورٹ میں دوڑتے بھی دکھایا گیا ہے، کچھ یہودی مخالف نعرے لگا رہے تھے، کچھ افراد کو فلسطینی جھنڈے لہراتے ہوئے اور کچھ کو آنے والے مسافروں کے پاسپورٹ چیک کرتے دیکھا گیا۔
The Russian National Guard and Security Forces have now Stormed the Tarmac at Makhachkala International Airport in Dagestan and are Mass Arresting any of the Rioters who did not Flee. pic.twitter.com/RG7dpcZsHK
— OSINTdefender (@sentdefender) October 29, 2023
روسی وزارت داخلہ نے ایک بیان میں کہا ہے کہ ہنگامہ آرائی میں ملوث 150 سے زیادہ افراد کی نشان دہی کر لی گئی ہے، جن میں سے 60 کو گرفتار کر لیا گیا ہے، ہجوم کے ساتھ جھڑپوں میں 9 پولیس اہلکار بھی زخمی ہوئے۔
