لندن : بھارتی وزیرخارجہ کے اقلیتوں سے امتیازی سلوک نہ کرنے کے دعوے پر برطانوی اخبار ‘ٹیلی گراف’ نے مودی سرکار میں ہونے والے نسلی فسادات گنوا دیے۔
تفصیلات کے مطابق بھارتی وزیرخارجہ کے اقلیتوں سے امتیازی سلوک نہ کرنے کے دعوے پر برطانوی اخبار ‘ٹیلی گراف نے جواب دے دیا ، ٹیلی گراف میں شائع آرٹیکل میں بھارت میں ہونے والے نسلی فسادات کو گنوایا گیا ہے۔
ٹیلی گراف نے کہا ہے کہ 22 ستمبرکو بی جے پی وزیر رمیش بدھوری نے دانش علی کی لوک سبھا میں مسلمان ہونے پر تذلیل کی ، بی جےپی کے وزیرکے اس اقدام پراسپیکر اوروزیراعظم مودی خاموش رہے۔
برطانوی اخبار کا کہنا تھا کہ دانش علی پر سزا کے طور پر راجستھان میں الیکشن کی ذمہ داری سونپ دی گئی، 14 اگست 2022 کو بی جے پی کے رہنما گیا ندیوا ہوجا نے مسلمانوں کو قتل کرنے کا کہا، گیاندیوا ہوجا نے کہا اپنے ورکرز کو کسی بھی مسلمان کا قتل کرنے کی کھلی آزادی دے دی۔
ٹیلی گراف میں شائع آرٹیکل میں منی پور اور ہریانہ میں اقلیتوں کیخلاف فسادات کا بھی ذکر ہے۔
