ویرات کوہلی کی موجودہ ورلڈکپ میں شاندار فارم جاری ہے اور انھوں نے اپنے لٹل ماسٹر سچن ٹنڈولکر کی سچنریوں کا ریکارڈ برابر کردیا ہے۔
ون ڈے انٹرنیشنلز میں بھارتی لیجنڈ سچن ٹنڈولکر نے 49 سنچریاں بنا رکھی ہیں، آج کے میچ میں کوہلی نے جنوبی افریقہ کے خلاف سنچری اسکور کرتے ہوئے اپنے ون ڈے کیرئیر میں 49 سنچری مکمل کرتے ہوئے ٹنڈولکر کا ریکارڈ برابر کردیا ہے۔
سوشل میڈیا پر کوہلی کیلئے خصوصی پیغام جاری کرتے ہوئے سابق بھاتی کپتان نے کہا کہ ویرات آپ نے بہترین کھیل پیش کیا، مجھے رواں سال 49 سال کی عمر سے 50 ویں سالگرہ منانے کے لیے 365 دن لگے تھے۔
ٹنڈولکر نے کہا کہ تاہم پراُمید ہوں کہ آپ 49 ویں سے 50 ویں سنچری تک کا سفر آئندہ چند دنوں میں پورا کرکے میرا ریکارڈ توڑ دیں گے۔‘
بھارت کے مایہ ناز بلے باز کوہلی کی ون ڈے سنچریوں کی تعداد 49 ہوگئی ہے اور289 ویں ون ڈے میں انھوں نے اس سنگ میل تک رسائی حاصل کی ہے۔
Well played Virat.
It took me 365 days to go from 49 to 50 earlier this year. I hope you go from 49 to 50 and break my record in the next few days.
Congratulations!!#INDvSA pic.twitter.com/PVe4iXfGFk— Sachin Tendulkar (@sachin_rt) November 5, 2023
ویرات کوہلی نے کولکتہ میں آئی سی سی ون ڈے ورلڈکپ میں جنوبی افریقا کے خلاف میچ میں اپنی 35 ویں سالگرہ کے دن شاندار سنچری اسکور کرکے ٹنڈولکر کا ریکارڈ برابر کیا۔ وہ اب تک 13ہزار 600 سے زیادہ ون ڈے رنز بنا چکے ہیں، جن 71 نصف سنچریاں بھی شامل ہیں۔
بھارتی لٹل ماسٹر سچن ٹنڈولکر نے 49 سنچریاں بنانے کے لیے 463 ون ڈے میچز کا سہارا لیا تھا جب کہ وہ ون ڈے میں سب سے زیادہ 18ہزار 426 رنز بناچکے ہیں۔
