ماسکو : روسی شہر سینٹ پیٹرز برگ کی مصروف سڑک اچانک دھماکے سے پھٹ پڑی، حادثے کے نتیجے میں کئی گاڑیوں کو نقصان پہنچا تاہم کوئی جانی نقصان نہیں ہوا۔
غیر ملکی میڈیا کے مطابق سینٹ پیٹرگ برگ کی سڑک پر دہشت ناک ٹریفک حادثہ رونما ہوا، جس کے نتیجے میں پتھر ہوا میں اڑے اور کئی گاڑیوں پر جالگے، واقعے کی ویڈیو سوشل میڈیا پر وائرل ہوگئی۔
ویڈیو میں دیکھا جاسکتا ہے کہ ایک ڈرائیور سفر کا مزا لے رہا ہے اور آہستہ آہستہ گاڑی چلاتے ہوئے اپنی منزل کی جانب جارہا ہے کہ اچانک سڑک ایک جانب سے پھٹ پڑی۔
حادثے کے باعث پتھر اور گندا پانی اڑتے ہوئے گاڑی کی ونڈ اسکرین پر گرے پتھر لگنے سے گاڑی کی ونڈ اسکرین ٹوٹ گئی جب کہ دیگر گاڑیوں کو بھی نقصان پہنچا اور ٹریفک کی روانی معطل ہوگئی۔
