برطانوی وزیراعظم تھریسامے کو قتل کرنے کی سازش بے نقاب -
The news is by your side.

Advertisement

برطانوی وزیراعظم تھریسامے کو قتل کرنے کی سازش بے نقاب

لندن: برطانوی وزیراعظم تھریسامے کو قتل کرنے کی سازش بے نقاب کردی اور 2 نوجوانوں کو گرفتار کرلیا گیا ہے۔

برطانوی میڈیا کے مطابق برطانوی وزیراعظم تھریسامے پر دہشت گردوں کی جانب سے قاتلانہ حملے کی سازش برطانوی ایجنسی ایم آئی5 نے ناکام بنادی۔

برطانوی ایجنسی ایم آئی5 نے وزیراعظم تھریسامے کو قتل کرنے کی سازش کرنے والے 2نوجوانوں کو گرفتارکرنے کا دعویٰ کیا ہے، ملزمان نے ڈاؤننگ اسٹریٹ پر تھریسامے کو نشانہ بنانے کی منصوبہ بندی کی تھی۔

میڈیا کے مطابق دو افراد کو ڈائوننگ سٹریٹ کے گیٹ کو بم دھماکے سے اڑانے کے بعد وزیر اعظم پر چھریوں سے حملے کے ذریعے قتل کر نے کا منصوبہ تیار کر نے کے شبہ میں گرفتار کیا گیا ہے۔

زیرحراست نوجوانوں میں 20سال کا زکریا رحمان اور 21 سالہ محمدعاقب عمران شامل ہیں۔

اس سازش کو بے نقاب کرنے کی کارروائی میں اسکاٹ لینڈ یارڈ، ویسٹ مڈلینڈ پولیس اور ایم آئی5 نے حصہ لیا۔

ذرائع کا کہنا ہے کہ پولیس اور داخلی سلامتی کا انٹیلی جنس ادارہ گزشتہ چند ہفتوں سے اس مبینہ دہشت گردی کی منصوبہ بندی پر نظر رکھے ہوئے تھے۔

برطانوی ایجنسی ایم آئی5 نے انکشاف کیا کہ اس سے قبل وزیراعظم پر 9 قاتلانہ حملوں کی سازشیں کی گئی تھیں۔


مانچسٹر ایرینا میں خودکش دھماکہ‘22افراد ہلاک‘59 زخمی


یاد رہے رواں سال مئی میں  مانچسٹر ایرینا میں کنسرٹ کے دوران ہونے والےخود کش دھماکے کے نتیجے میں 22 افراد ہلاک اور 59 سے زائد زخمی ہوگئے تھے، اور  خود کش حملہ آور کی شناخت سلمان عابدی کے نام سے ہوئی تھی۔

اعش نے مانچسٹر خودکش بم دھماکے کی ذمہ داری قبول کرتے ہوئے دھمکی دی تھی کہ یورپی ممالک خود کو مستقبل میں ایسے مزید حملوں کےلیے تیاررکھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں