پاکستان میں دہشتگردوں کی جانب سے سیکیورٹی فورسز کو نشانہ بنائے جانے میں تیزی آئی ہے، ٹی ٹی پی کے خارجی نور ولی کی آڈیو لیک نے اس کے ناپاک منصوبوں کو ظاہر کیا ہے۔
تفصیلات کے مطابق کالعدم ٹی ٹی پی کے سربراہ نور ولی کی آڈیو لیک پر پاکستانی عوام کا ردعمل سامنے آگیا، عوام کا کہنا ہے کہ افغانستان کو چاہیے کہ وہ ایسے دہشت گردوں کو ملک سے نکال دے۔
پاکستانی عوام کا کہنا ہے کہ ہمارے سکیورٹی اہلکاروں کو ان خارجیوں کے سروں کو کچلنا چاہئے، یہ دہشت گرد صرف ملک میں انتشار پھیلانا چاہتے ہیں تاکہ یہاں بد امنی پھیلے۔
عوام کا کہنا ہے کہ ہم پاک فوج سے مطالبہ کرتے ہیں ایسے دہشت گردوں کو کیفر کردار تک پہنچایا جائے، ٹی ٹی پی کے سربراہ کی گفتگو سے ثابت ہوتاہے کہ یہی لوگ ملک دشمن عناصر ہیں۔
پاکستانی عوام کا مزید کہنا ہے کہ افغانستان مکمل طور پر پاکستان میں دہشت گردی پھیلانے میں ملوث ہے، ہم ٹی ٹی پی کے گھناؤنے منصوبے کی مذمت کرتے ہیں، یہ لوگ پاکستانی عوام کو آپس میں لڑانا چاہتے ہیں، یہ پاکستان کو کمزور کرنے کی سازش ہے ان لوگوں کو سخت سزا ملنی چاہئے۔
