The news is by your side.

Advertisement

دہشت گروں کا ایف سی کی پٹرولنگ پارٹی پر حملہ، 5 جوان شہید

راولپنڈی : بلوچستان کے ضلع سبی میں دہشت گروں کی جانب سے ایف سی کی پٹرولنگ پارٹی پر حملے کے نتیجے میں 5 ایف سی جوان شہید ہوگئے جبکہ جوابی کارروائی میں دہشت گردوں کو بھی بھاری نقصان ہوا۔

پاک فوج کے شعبہ تعلقات عامہ (آئی ایس پی آر) کے مطابق بلوچستان کے ضلع سبی کےعلاقے سنگن میں ایف سی کی پٹرولنگ پارٹی پر دہشت گروں نے حملہ کردیا ، جس کے نتیجے میں 5 ایف سی جوان شہید ہوگئے۔

آئی ایس پی آر کا کہنا تھا کہ ایف سی کی جوابی کارروائی میں دہشت گردوں کو بھی بھاری نقصان ہوا، حملے میں شہید ہونے والوں میں حوالدارظفر علی خان، لانس نائیک ہدایت اللہ ، لانس نائیک ناصرعباس،لارنس نائیک بشیراحمد،سپاہی نور اللہ شامل ہیں۔

آئی ایس پی آر کے مطابق سیکیورٹی فورسزکاعلاقےمیں سرچ آپریشن جاری ہے ، دہشت گردوں کے فرار کی راہیں مسدودکی جارہی ہیں، اس طرح کےبزدلانہ واقعات کے پیچھے دشمن ایجنسیوں کا ہاتھ ہے۔

ترجمان پاک فوج کا کہنا تھا کہ ایسےبزدلانہ حملوں سےامن و امان کی فضاخراب نہیں ہونےدیں گے ،سیکیورٹی فورسزدشمن کےتمام مذموم عزائم ناکام بنا دیں گی۔

Comments

یہ بھی پڑھیں