The news is by your side.

Advertisement

شمالی وزیر ستان میں ایف سی کی چیک پوسٹ پر حملہ،2 دہشتگرد ہلاک، اہلکارشہید

راولپنڈی: شمالی وزیر ستان میں ایف سی کی چیک پوسٹ پردہشت گردوں کے حملے میں لانس نائیک شہید جب کہ جوابی کارروائی میں 2 دہشتگرد ہلاک ہوگئے۔

ڈی جی آئی ایس پی آر میجر جنرل آصف غفور کے مطابق پاک افغان سرحد کے قریب شمالی وزیر ستان میں ایف سی کی چیک پوسٹ پردہشت گردوں نے حملہ کردیا جس کے نتیجے میں لانس نائیک محمدعمران آفریدی شہید ہوگئے جب کہ جوابی کارروائی میں 2 دہشت گرد مارے گئے۔

ڈی جی آئی ایس پی آر نے سماجی رابطے کی ویب سائٹ ٹوئٹر پر ہلاک دہشتگردوں کی تصاویر کے ساتھ جام شہادت نوش کرنے والے لانس نائیک کی پروفائل تصویر بھی شیئر کی۔

شہیدلانس نائیک محمدعمران آفریدی کاتعلق خیبرپختونخوا کے ضلع جمرودسے ہے اور ان کی عمر 31 برس تھی۔

میجر جنرل آصف غفور نے لکھا کہ حملے میں ایف سی کے دو سپاہی زخمی بھی ہوئے۔

Comments

یہ بھی پڑھیں