برطانیہ میں ہزاروں افراد کا پانی بند

لندن: برطانیہ کے ایک قصبے ٹوئسبری میں پانی کی مرکزی پائپ لائن پھٹنے کے باعث ہزاروں گھروں کو پانی کی فراہمی معطل ہوگئی۔

برطانوی خبر رساں ادارے کے مطابق پھٹنے والی مرکزی پائپ لائن کی مرمت جاری ہے تاہم ورکرز کا کہنا ہے کہ یہ ایک مشکل کام ہے۔

قصبے کے رہائشیوں کو پانی کی عارضی فراہم کے لیے تیسرا پوائنٹ نصب کردیا گیا ہے جہاں سے لوگ بوتلوں میں بھرا ہوا پانی اٹھا کر لے جاسکتے ہیں۔

قصبے کی واٹر کمپنی کا کہنا ہے کہ پائپ لائن جمعے کی صبح پھٹی تھی۔ فی الحال کچھ کہا نہیں جاسکتا کہ یہ کب تک درست ہوسکے گی۔

پائپ کی مرمت کرنے والے افراد کا کہنا ہے کہ پائپ پھٹنے سے مذکورہ مقام پر کئی انچ تک پانی کھڑا ہوگیا ہے جس کی وجہ سے مرمت کے کام میں شدید مشکل پیش آرہی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments