امریکی ریاست ٹیکساس کے چرچ میں فائرنگ‘ 27 افراد ہلاک -
The news is by your side.

Advertisement

امریکی ریاست ٹیکساس کے چرچ میں فائرنگ‘ 27 افراد ہلاک

ٹیکساس : امریکی ریاست ٹیکساس کے چرچ میں مسلح شخص کی فائرنگ سے 27 افراد ہلاک جبکہ 20 افراد زخمی ہوگئے۔

تفصیلات کے مطابق ٹیکساس کی ولسن کاؤنٹی میں سدرلینڈ اسپرنگز کے فرست بیپٹسٹ چرچ میں مسلح شخص کی فائرنگ سے 27 افراد ہلاک جبکہ پولیس کی جوابی فائرنگ میں حملہ آوربھی مارا گیا۔

مقامی میڈیا کےمطابق فائرنگ کا یہ واقعہ اس وقت پیش آیا جب وہاں عبادات کی جا رہی تھیں۔

امریکی صدر ڈونلڈ ٹرمپ نےسماجی رابطے کی ویب سائٹ ٹویٹر پر اپنے پیغام میں ٹیکساس کے چرچ میں فائرنگ کے واقعے میں ہلاکتوں پر افسوس کا اظہار کیا ہے۔

دوسری جانب گورنرگریگ ایبٹ نے ہلاکتوں کی تعداد کی تصدیق کرتے ہوئے کہا کہ یہ ٹیکساس کی تاریخ کی بدترین فائرنگ کا واقعہ ہے۔


لاس ویگاس فائرنگ‘ ہلاکتوں کی تعداد 59 ہوگئی ، 515 زخمی


خیال رہے کہ گزشتہ ماہ امریکی شہر لاس ویگاس میں میوزک کنسرٹ کے دوران فائرنگ کے واقعے میں 59 افراد ہلاک اور500 سے زائد افراد زخمی ہوگئے تھے۔

یاد رہے کہ رواں برس14 ستمبر کو امریکی ریاست واشنگٹن میں ہائی اسکول میں فائرنگ کے نتیجے میں ایک طالب علم ہلاک جبکہ 3 زخمی ہوگئے تھے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں