امریکا کی ریاست ٹیکساس کے شہر فورٹ ورتھ میں ہوٹل میں زور دار دھماکہ ہوا ہے، جس کے نتیجے میں 21 افراد زخمی ہوگئے ہیں۔
بین الاقوامی خبر رساں ادارے کی رپورٹ کے مطابق دھماکے کے باعث ہوٹل کی عمارت کی کئی منزلوں کے شیشے ٹوٹ گئے اور ملبہ سڑک پر پھیل گیا، ایک زخمی کی حالت نازک بتائی جارہی ہے۔
امریکی میڈیا کا کہنا ہے کہ 20 منزلہ عمارت کے نچلے حصے میں دھماکا ہوا جس کے بارے میں شبہ ہے کہ یہ عمارت میں گیس لیکج کی وجہ سے ہوا۔
رپورٹس کے مطابق دھماکے کے باعث ہوٹل کے نچلی منزلوں پر کافی نقصان ہوا ہے۔حکام نے دھماکے کے اصل اسباب جاننے کے لئے تحقیقات کا آغاز کردیا ہے۔
دوسری جانب وائٹ ہاؤس کمپلیکس کے بیرونی گیٹ سے مشکوک گاڑی ٹکرا گئی، جس کے بعد سیکورٹی حرکت میں آگئی۔
امریکی سیکریٹ سروس کے کمیونیکیشن چیف نے اس حوالے سے بتایا کہ ڈرائیور کو گرفتار کرلیا گیا ہے، جبکہ واقعہ کی تحقیقات کا آغاز کردیا گیا ہے۔
امریکی میڈیا کا اس حوالے سے کہنا ہے کہ وائٹ ہاؤس کی جانب سے فوری طور پر واقعے پر کوئی تبصرہ نہیں کیا گیا۔
قطر میں ون ویلنگ کرنے والا نوجوان بائیک سے محروم، ویڈیو وائرل
واضح رہے کہ گزشتہ ماہ ریاست ڈیلاویئر میں ایک شخص نے اپنی گاڑی امریکی صدر کے قافلے میں شامل گاڑی سے ٹکرادی تھی، جس پر نشے میں ڈرائیونگ کرنے کا الزام لگا دیا گیا تھا۔
