بنکاک : تھائی لینڈ کی نیوی کا بحری جہاز طوفان کے دوران گہرے سمندر میں ڈوب گیا، درجنوں سیلرز لاپتہ ہوگئے، امدادی کارروائیوں میں 75 افراد کو بچا لیاگیا۔
غیرملکی خبر رساں ادارے کی رپورٹ کے مطابق تھائی رائل تھائی نیوی کے ترجمان کا کہنا ہے کہ ایچ ٹی ایم ایس سخوتھائی 106 افراد کو لے کر جا رہا تھا جب یہ رات کے وقت خلیج تھائی لینڈ کے سمندر میں ڈوب گیا۔
เหตุ #เรือหลวงสุโขทัย ประสบเหตุเอียงและน้ำเข้าเรือ โฆษกกองทัพเรือชี้แจงว่าเหตุการณ์เรือหลวงสุโขทัยประสบเหตุเอียงนั้นเกิดจากเครื่องยนต์ขัดข้อง ทำให้น้ำไหลย้อนเข้าตัวเรือ และเรือเอียง กำลังเร่งระบายน้ำและอพยพกำลังพลที่ไม่เกี่ยวข้องออก ถ้ากู้สถานการณ์ไม่ได้จำเป็นต้องสละเรือ pic.twitter.com/LmQnee2G2N
— thaiarmedforce (@ThaiArmedForce) December 18, 2022
شدید طوفان کے دوران تھائی بحریہ کے جہاز کے ڈوبنے کی اطلاع ملتے ہی لاپتہ ہونے والے درجنوں ملاحوں کو بچانے کے لیے دو سی ہاک ہیلی کاپٹر، دو فریگیٹ طیارے اور ایک بحری جہاز روانہ کردیئے گئے جو لاپتہ سیلرز کو تلاش کرنے میں مصروف ہیں۔
رائل تھائی نیوی کی جاری کردہ تصاویر کے مطابق رات کے وقت بعض سیلرز نے کشتیوں میں چھلانگ لگا کر جان بچائی۔ نیوی کا کہنا ہے کہ 75 افراد کو بچا لیا گیا ہے تاہم ابھی بھی 31 سیلرز لاپتہ ہیں۔
تھائی بحریہ کے ترجمان کا کہنا ہے کہ بحریہ جہاز برقی نظام کو نقصان پہنچنے کے بعد سمندر میں ڈوبا۔ ترجمان کا کہنا تھا کہ ’بحریہ جہاز کے آپریٹنگ نظام نے کام بند کر دیا جس کے نتیجے میں جہاز بے قابو ہو گیا۔
نیوی کی طرف سے شیئر کی گئی ایک تصویر میں دیکھا جا سکتا ہے کہ بحری جہاز الٹا ہوا ہے جب کہ ایک ویڈیو میں امدادی کشتی جہاز کے قریب دیکھی جا سکتی ہے۔
بحریہ کے ٹوئٹر اکاؤنٹ سے شیئر کی گئی دیگر تصاویر میں بچ جانے کے بعد جہاز کا عملہ کمبل میں لپٹا دکھائی دے رہا ہے۔ حالیہ دنوں میں جنوبی تھائی لینڈ کے متعدد علاقے طوفانوں کی زد میں آ چکے ہیں۔
