کراچی میں ترکش خاتون کو ہراساں کرنے والے شہری کو گرفتار کر لیا گیا۔
شہری خاتون وی لاگر کو ایمپریس مارکیٹ کے سامنے ہراساں کر رہا تھا۔ ترکش خاتون اپنی ویڈیو ریکارڈ کر رہی تھی اور شہری مسلسل اسے ہراساں کر رہا تھا۔
سوشل میڈیا پر ردعمل سامنے آنے پر پولیس نے کارروائی کرتے ہوئے ملزم کو شناخت کر کے گرفتار کر لیا۔ پریڈی پولیس نے خداداد کالونی سے ملزم کو گرفتار کیا۔
ترکش ولاگر کو صدر میں مسلسل ہراساں کرنے والا خداداد کالونی کا رہائشی نکلا، پریڈی پولیس نے ملزم شعیب کو گرفتار کرلیا،ملزم کا سافٹ وئیر اپڈیٹ کیا جارہا ہے پہلے ملزم ٹائم پاس کرتا رہا اب خاتون کو اپنی بہن مان لیا ویلڈن پریڈی پولیس ویلڈن سندھ پولیس@KarachiPolice_ @DMCSindhPolice pic.twitter.com/D5J7OmCyQi
— Nazir Shah (@SsyedHhussain) September 23, 2022
ملزم شعیب کا کہنا ہے کہ مجھے اپنے عمل پر بے حد شرمندگی ہے ہاتھ جوڑ کر خاتون سے معافی مانگتا ہوں، جو کچھ ہوا وہ غلط فہمی کے سوا کچھ نہیں میری کوئی غلط نیت نہیں تھی لیکن انجانے میں غلطی ہوئی جس پر شرمندہ ہوں۔
