بھارت میں ظالم عورت نے اپنے شوہر اور ساس کو قتل کردیا صرف اتنا ہی نہیں بلکہ لاشوں کے ٹکڑے کر کے فریج میں چھپا دیے۔
بھارتی میڈیا کے مطابق یہ انسانیت سوز واقعہ گوہاٹی شہر کے نواحی علاقے نون متی میں پیش آیا جہاں وندنا کالیتا نامی ایک خاتون نے مبینہ طور پر اپنے شوہر اور ساس کو قتل کیا، پھر اُن کی لاشوں کو ٹکڑوں میں کاٹ کر فریج میں چھپا دیا۔
میڈیا رپورٹ کے مطابق اپنے شوہر اور ساس کو اس وحشیانہ طریقے سے قتل کرنے والی خاتون کا کسی اور شخص سے افیئر چل رہا تھا۔
اس حوالے سے پولیس کا کہنا ہے کہ شوہر امر جیوتی دے اور ساس شنکری دے کو قتل کرنے کے بعد وندنا اور اسکا بوائے فرینڈ فریج میں چھپائے گئے لاشوں کے ٹکڑے اپنے ساتھ گواہاٹی سے 150 کلو میٹر دُور چراپونجی شہر لے گئے جہاں انہیں زمین میں دبا دیا تاہم پولیس نے انہیں ڈھونڈ نکالا۔
پولیس کے مطابق ’ملزمہ وندنا کالیتا نے آسام کی پولیس ٹیم کو بتایا کہ اس نے چراپونجی میں اپنے شوہر اور ساس کے اعضاء دبائے ہیں۔
واضح رہے قتل کرنے کے بعد لاش کے ٹکڑے فریج میں چھپانے کا یہ واقعہ بھارت میں پہلی مرتبہ نہیں پیش آیا۔
گزشتہ دنوں درالحکومت نئی دہلی میں ہی نِکی یادو نامی ایک خاتون کو اُن کے پارٹنر ساحل گہلوٹ نے قتل کیا تھا اور پھر اس کی لاش کے ٹکڑے اپنے ریستوران کے فریج میں چھپا دیے تھے۔
یہ بھی پڑھیں: ایک اور لڑکی کی لاش فریج سے برآمد، قاتل گرفتار
جب کہ اس سے قبل گزشتہ سال نئی دہلی میں ہی آفتاب پُونا والا نامی ایک شخص نے اپنی گرل فرینڈ شردھا والکر کو قتل کرنے کے بعد اس کے لاش کے ٹکڑے فریج میں چھپا دیے تھے۔
