لندن: برطانوی وزیراعظم بورس جانسن کا کہنا ہے کہ عوام سے کیے گئے وعدے پورے ہوگئے ، یورپی یونین کے ساتھ سب سے بڑا تجارتی معاہدہ طے پاگیا۔
اے آر وائی نیوز کی رپورٹ کے مطابق برطانوی وزیراعظم بورس جانسن نے بریگزٹ ڈیل پر پریس کانفرنس کرتے ہوئے کہا کہ یورپی یونین کے ساتھ کیے گئے معاہدے سے یورپ کے ساتھ دوستی، اتحاد او رتعاون کی راہیں کھلیں گی۔
انہوں نے کہا کہ معاہدے کی اہمیت کو دیکھتے ہوئے مذاکرات میں مشکل فطری چیز ہے، معاہدے سے ہماری معیشت کو بہت فائدہ ہوگا، تجارتی معاہدے سے پورے خطے میں روزگار اور خوشحالی آئے گی۔
The deal is done. pic.twitter.com/zzhvxOSeWz
— Boris Johnson (@BorisJohnson) December 24, 2020
اعلامیے کے مطابق بریگزٹ ڈیل کے بعد کرنسی، بارڈر معاملات، قانون ، تجارت، فشریز پر دوبارہ کنٹرول لے لیا گیا، برطانوی کاروبار ی اداروں، خاندانوں کے لیے یہ زبردست خبر ہے، زیرو ٹیرف ، زیرو کوٹے پر یورپی یونین سے آزادانہ تجارتی معاہدہ کیا گیا ہے۔
برطانوی وزیراعظم نے کہا کہ ہماری توجہ اب کورونا وبائی بیماری کا سامنا کرنے پر مرکوز ہوگی۔
WATCH LIVE: My update on our future partnership with the European Union. https://t.co/cTd8qWRbrn
— Boris Johnson (@BorisJohnson) December 24, 2020
واضح رہے کہ بریگزٹ ڈیل کے بعد یورپ اور برطانیہ کے درمیان معاہدہ ایک ماہ تاخیر کے بعد طے ہوا، معاہدے پر یکم جنوری 2021 سے عملدرآمد ہوگا۔
یاد رہے کہ یورپی یونین سے 31 جنوری 2020 سے علیحدگی اختیار کرنے والے برطانیہ اور یونین کے مابین تجارتی اور دو طرفہ تعلقات پر وسیع پیمانے پر مذاکرات ہو رہے تھے۔
