The news is by your side.

Advertisement

نجی شعبے کی سہولت کیلئے اسمارٹ ریگولیشنز بنانے کی کوشش

لاہور: پنجاب بورڈ آف انوسٹمنٹ و ٹریڈ کے چیئرمین سردار تنویر الیاس خان نے کہا کہ پنجاب حکومت اسمارٹ ریگولیشنز بنانے کے لیے کوشاں ہے، جو نجی شعبے کے درپیش مسائل کو حل کریں گے۔

اسلام آباد چیمبر آف کامرس اینڈ انڈسٹری میں تاجر برادری سے خطاب کرتے ہوئے انہوں نے کہا کہ ایسے اقدامات کاروبار و سرمایہ کاری کو بہتر طور پر فروغ دینے میں معاون ثابت ہوں گے۔

تنویر الیاس خان کا کہنا تھا کہ پنجاب میں ون ونڈو سہولت پر بھی کام ہو رہا ہے تاکہ سرمایہ کار وں کو تمام مطلوبہ سہولیات ایک ہی جگہ سے مل سکیں۔

انہوں نے کہا کہ وہ پنجاب کے چیمبر ز آف کامرس اینڈ انڈسٹری کا دورہ کر رہے ہیں تاکہ تاجر برادری کے مسائل سے آگاہی حاصل کر سکیں اور ان کی تجاویز کی روشنی میں پالیسیوں پر نظرثانی کی جائے تاکہ ان کو کاروبار اور سرمایہ کاری سرگرمیوں کو فروغ دینے میں سہولت ہو۔

پنجاب بورڈ آف انوسٹمنٹ و ٹریڈ کے چیئرمین کا کہنا تھا کہ اسلام آباد چیمبرآف کامرس اپنی تحریری تجاویز ارسال کرے اور یقین دہانی کرائے کہ جن مسائل کی نشاندہی کی گئی ہے وہ ان کو حل کرانے میں تعاون کریں گے۔

اسلام آباد چیمبر آف کامرس اینڈ انڈسٹری کے صدر احمد حسن مغل نے اپنے خطاب میں کہا کہ پنجاب حکومت اسلام آباد کے اردگرد ایک نیا انڈسٹریل زون بنانے میں بھرپور تعاون کرے کیونکہ علاقے میں صنعتکاری کو فروغ دینے کیلئے اس کی سخت ضرورت ہے۔ اس موقع پر دیگر نے بھی خطاب کیا۔

Comments

comments

یہ بھی پڑھیں