The news is by your side.

Advertisement

قومی سلامتی کمیٹی کا اجلاس رواں ہفتے بلائے جانے کا امکان، اہم امور زیرغور

اسلام آباد: قومی سلامتی کمیٹی کا اجلاس رواں ہفتے بلائے جانے کا امکان ہے جس میں سعودی شہزادے محمد بن سلمان کےدورہ سمیت اہم امور پر غور کیا جائے گا۔

تفصیلات کے مطابق قومی سلامتی کمیٹی کے اجلاس کی صدارت وزیر اعظم عمران خان کریں گے، اجلاس میں سیکیورٹی اداروں کے سربراہان، وزیرخزانہ اسد عمر، وزیر دفاع پرویزخٹک سمیت خارجہ کے وزرا اور وزیر مملکت داخلہ شرکت کریں گے۔

اجلاس میں بھارتی جاسوس کلبھوشن یادیو کیس سے متعلق بھی غور کیا جائے گا، دفترخارجہ حکام کلبھوشن یادیوکیس پر بریف دیں گے۔

بھارت کے پلوامہ ڈرامہ اور اس سے پیدا ہونے والی صورت حال پر بھی غور ہوگا، اجلاس میں ملک کی مجموعی سیکیورٹی صورتحال اور افغان امن عمل اور پاکستان کی کوششوں کا جائرہ لیا جائے گا۔

سعودی ولی عہد کا پاکستانی ہیروفرمان علی خان کے نام سے ہیلتھ سینٹرقائم کرنے کا اعلان

یاد رہے دو روز قبل سعودی ولی عہد شہزادہ محمدبن سلمان اسلام آباد پہنچے تھے، وزیراعظم ہاؤس میں وزیر اعظم عمران خان اورولی عہد کی ون آن ون ملاقات میں باہمی تعلقات کو نئی بلندیوں پر لے جانے کا عزم کیا گیا اور دونوں ملکوں کے درمیان سات تاریخی معاہدوں پر دستخط کیے گئے۔

کلبھوشن کیس: عالمی عدالت میں بھارتی وکیل پاکستان کے سوالوں کا جواب نہ دے سکا

دوسری جانب بھارتی دہشت گرد کلبھوشن کا معاملہ عالمی عدالت میں زیرسماعت ہے، گذشتہ روز ہونے والی سماعت میں بھارتی وکیل عالمی عدالت میں پاکستان کے سوالات کے جواب نہیں دے سکا۔

Comments

comments

یہ بھی پڑھیں