سندھ حکومت نے کراچی میں بلدیات کے حوالے سے ایم کیو ایم پاکستان کا مؤقف تسلیم کر لیا۔
سندھ حکومت نے کراچی کی 53یونین کمیٹیوں میں اضافےکا نوٹیفکیشن جاری کر دیا جس کے بعد کراچی کی یونین کمیٹیوں کی تعداد 246 سے بڑھا کر 299 کر دی گئی ہے۔
ذرائع سندھ حکومت کا کہنا ہے کہ یوسیز میں اضافے سے بلدیاتی الیکشن کےنتائج پر فرق نہیں پڑے گا کراچی میں یوسیز کی تعداد میں اضافے کا حالیہ بلدیاتی الیکشن پر اثر نہیں ہوگا۔
- Advertisement -
ذرائع کے مطابق میئر کراچی کا انتخاب 246 یونین کمیٹیز کی بنیاد پر ہی ہوگا، کے ایم سی کی مخصوص نشستیں بھی 246یوسیز کے حساب سے تقسیم ہوگی۔
یوسیز اضافے کا نوٹیفکیشن اگلے بلدیاتی الیکشن پر نافد العمل ہو گا۔ موجودہ بلدیاتی نظام کے مطابق 246 اراکین میں اکثریت رکھنے والا امیدوار میئر ہوگا۔
