حیدرآباد: تلنگانہ میں لوگوں کو ملاٹ شدہ کیک بیچنے والے شخص کو پولیس نے گرفتار کرلیا، مصنوعی اجزا اور کیمیکل کے ذریعے کیک تیار کیا جارہا تھا۔
تفصیلات کے مطابق بھارتی ریاست تلنگانہ میں پولیس نے کارروائی کرتے ہوئے مقامی لوگوں کو ملاٹ شدہ کیک کھلانے والے شخص کو پکڑ لیا، بیکری میں مصنوعی اجزا اور کیمیکل کی ملاوٹ کے ذریعے کیک کی تیاری کا عمل جاری تھا۔
دنڈیگل پولیس اسٹیشن کی حدود میں یہ معاملہ سامنے آیا، پولیس کو اطلاع ملی کہ مذکورہ بیکری میں غیرقانونی طورپر ملاوٹی کیک تیار کیے جارہے ہیں، جن میں مختلف قسم کے فلیورز کا استعمال کیا جارہا ہے۔
پولیس نے کمیکل کی بوتلوں سمیت بیکری میں موجود رقم کو بھی قبضے میں لیتے ہوئے بیکری مالک کو گرفتار کر لیا ہے۔
حکام نے مزید کارروائی کرتے ہوئے کیمیکل کے ذریعے کیک تیار کرنے والے اور لوگوں کی صحت سے کھیلنے والی اس بیکری کو سیل کردیا ہے۔