اسلام آباد سے ریاض جانے والی نجی ایئرلائن کی پرواز تاخیر کا شکار ہو گئی۔
ذرائع کے مطابق طیارے نے دوپہر ساڑھے 3 بجے روانہ ہونا تھا لیکن طیارےکا ٹیک آف سے قبل ٹائر پھٹ گیا۔ طیارے میں 194مسافر سوار تھے جنہیں لاؤنج منتقل کر دیا گیا۔
ذرائع کا کہنا ہے کہ ٹیکنیکل ٹیم طیارے کی خرابی دور کرنے کیلئےکام کر رہی ہے۔
ترجمان ایئرلائن کے مطابق ٹیک آف پوائنٹ پر فنی خرابی ہوئی تو کپتان طیارے کو واپس لے آیا، طیارے کا ایک ٹائر ڈیفلیٹ ہو گیا تھا خرابی دور کی جارہی ہے مسافروں کو متبادل پرواز کے ذریعے ریاض روانہ کیا جائےگا۔
قبل ازیں اسلام آباد سے اسکردو جانے والی نجی ایئرلائن کی پرواز حادثے سے بال بال بچ گئی۔
اسلام آباد سے اڑان بھرنے کے فوری بعد نجی ایئرلائن کے طیارے کا لینڈنگ گیئر بند نہ ہوا جس کے بعد پرواز پی اے 251 کے کپتان نے ایئرٹریفک کنٹرول سے رابطہ کیا۔ طیارے نے فضا میں دو چکر لگانے کے بعد بحفاظت اسلام آباد میں لینڈنگ کی۔
