لاہور: سابق وزیراعظم اور مسلم لیگ ن کے رہنما شاہدخاقان عباسی نے کہا ہے کہ شہبازشریف کو سیاسی انتقام کا نشانہ بنایا جارہا ہے، ملک میں آج لوٹوں کی حکومت ہے۔
ان خیالات کا اظہار انہوں نے لاہور میں جلسے سے خطاب کرتے ہوئے کیا، شاہدخاقان عباسی کا کہنا تھا کہ شہبازشریف پر کرپشن کا کوئی الزام نہیں ہے، لیکن اس کے باوجود ان سے سیاسی انتقام لیا جارہا ہے۔
ان کا کہنا تھا کہ ملک میں آج لوٹوں کی حکومت ہے، حکومت عوام کو مہنگائی کے تحفے دے رہی ہے، موجودہ حکومت نے عوام سے جھوٹے وعدے کیے۔
شہبازشریف کے صاحبزادے سلمان شہباز بھی نیب کے ریڈار پر آگئے
ملک میں ہونے والے ضمنی انتخابات سے متعلق تبصرہ کرتے ہوئے شاہد خاقان کا کہنا تھا کہ 14 اکتوبر کو شیر کی فتح ہوگی، عوام مسلم لیگ ن کو ووٹ دیں گے۔
واضح رہے کہ مسلم لیگ ن کے صدر کو نیب نے آشیانہ اسکینڈل میں گرفتار کیا تھا، نیب نے موقف اختیار کیا تھا کہ شہبازشریف نے بطور وزیراعلیٰ پنجاب اپنے اختیارا ت کا غلط استعمال کیا۔
ن لیگ کی جانب سے اس فیصلے پر کڑی تنقید کرتے ہوئے اداروں کے خلاف ہرزہ سرائی کی گئی، شہباز شریف کی پیشی کے موقع پر ن لیگی کارکنوں نے ہلڑ بازی کی۔
0
20
