وزیراعظم شہبازشریف نے امریکی سفیر سے ملاقات میں ڈاکٹرعافیہ صدیقی کا معاملہ پُرزور طریقے سے اٹھایا۔
تفصیلات کے مطابق وزیراعظم شہباز شریف سے امریکی سفیر ڈونلڈبلوم کی ملاقات ہوئی جس میں پاک امریکا دوطرفہ اور علاقائی اہمیت کے متعدد امور پر تبادلہ خیال کیا گیا۔ ملاقات میں غزہ، بحیرہ احمر کی صورتحال اور افغانستان میں ہونے والی پیش رفت پربھی بات چیت کی گئی۔
وزیراعظم شہبازشریف نے دوطرفہ تعلقات کی موجودہ صورتحال پر اطمینان کا اظہار کیا جب کہ تجارت، دفاع ، موسمیاتی تبدیلیوں کے شعبوں میں مثبت رفتار برقرار رکھنےکی ضرورت پر زور دیا۔
وزیراعظم شہبازشریف نے کہا کہ حکومت معیشت کو مستحکم کرنے پر توجہ دے گی سرمایہ کاری کو راغب کرنے کیلئے میکرو اکنامک اصلاحات پر توجہ دیں گے۔ وزیراعظم شہباشریف نےملاقات کےدوران ایس آئی ایف سی کےکردار پر روشنی ڈالی دالتے ہوئے کہا کہ ایس آئی ایف سی غیرملکی سرمایہ کاری کو تیز کرنے کیلئے قائم کی گئی ہے۔
وزیراعظم شہبازشریف نے امریکی سفیر سے ملاقات میں ڈاکٹرعافیہ صدیقی کا معاملہ پُرزور طریقے سے اٹھایا۔
امریکی سفیر نے کہا کہ امریکا پاکستان کو ایک اہم پارٹنر سمجھتا ہے مضبوط تعلقات استوار کرنے کیلئے مل کر کام کرنےکی امید کرتے ہیں۔
