The news is by your side.

Advertisement

خالد شہنشاہ کو عزیر بلوچ نے مارا، انکشاف

لاہور: سینئر صحافی عارف حمید بھٹی نے انکشاف کیا ہے کہ خالد شہنشاہ کو عزیر بلوچ نے مارا، اس نے کس کے کہنے پر مارا یہ جے آئی ٹی رپورٹ میں پڑھیں پتا چل جائے گا بے نظیر کا قاتل کون ہے۔

یہ انکشاف انہوں نے اے آر وائی نیوز کے پروگرام دی رپورٹر میں کیا۔

بے نظیر کے ڈرائیور خالد شہنشاہ کے قتل سے متعلق عارف حمید بھٹی نے کہا کہ خالد شہنشاہ کا قتل کس نے کیا اور کس جگہ پرہوا؟ اس کا قاتل ٹریس ہوا اور کیسے پکڑا گیا؟ لیاری گینگ وار کے سرغنہ عزیر بلوچ کی جے آئی ٹی رپورٹ منگوائیں اور رپورٹ میں تفصیلات پڑھیں کہ عزیر بلوچ نے خالد شہنشاہ کو مارا اور کس کے کہنے پر مارا۔

ویڈیو دیکھیں:

عارف بھٹی نے کہا کہ بے نظیر بھٹو کا قتل بہت ہائی پروفائل کیس تھا جسے نظرانداز کردیا گیا، آج کہا جارہا ہے کہ پرویز مشرف ملزم ہے، پی پی کی پانچ سال حکومت رہی تو قاتل کیوں نہیں پکڑے؟ دو پولیس والے بے گناہ پکڑ لیے جن کا کوئی تعلق ہی نہیں تھا۔

انہوں نے مزید کہا کہ خالد شہنشاہ کو کس نے مروایا اس تک پہنچ جائیں وہی بے نظیر کا قاتل ہے۔

دی رپورٹر پروگرام کے دوران بے نظیر کے سیکیورٹی انچارج اور سابق صدر زرداری کے قریبی ساتھی خالد شہنشاہ کی جلسے کے دوران مشہور ہونےو الی عجیب حرکات و سکنات کی ایک ویڈیو بھی چلائی گئی۔

قتل سے قبل خالد شہنشاہ کی ایک مشہور ویڈیو

ویڈیو پر تبصرہ کرتے ہوئے سمیع ابراہم نے کہا کہ خالد شہنشاہ بے نظیر کے ڈرائیور تھے اور آصف زرداری کے قریبی ساتھی تھے، وہ بے نظیر کو ہر جگہ لے جاتے تھے، انہیں مار دیا گیا پھر آصف زرداری صدر بن گئے اور انہیں ہر قسم کی تحقیقات سے استثنیٰ دے دیا گیا۔

اسی سے متعلق: ڈی جی آئی ایس آئی نے بے نظیر کو جلسے میں‌ جانے سے منع کیا، انکشاف

Print Friendly, PDF & Email

Comments

comments

یہ بھی پڑھیں