وفاقی شرعی عدالت کو مزید فعال بنانے اور ججز کی اسامیوں کو پُر کرنےکی قرارداد منظور کر لی گئی۔
چیئرمین سینیٹ صادق سنجرانی کی زیرصدارت ہونے والے اجلاس میں جماعت اسلامی کے سینیٹر مشتاق احمد نے قرارداد پیش کی جو ایوان نے منظور کر لی۔
قرارداد کے مطابق آرٹیکل 227 کے تحت تمام موجودہ قوانین قرآن وسنت کے مطابق بنائیں جائیں ملک میں کوئی قانون قرآن و سنت کے منافی نہیں بنایا جائے گا۔
قرارداد میں کہا گیا ہے کہ وفاقی شرعی عدالت اور سپریم کورٹ میں شرعی اپیل بینچ کی خالی اسامیاں پرُ کی جائیں۔
سینیٹر مشتاق احمد کی قرارداد متفقہ طور پر منظور کرلی گئی۔
بعدازاں احساس انڈر گریجویٹ پروگرام جاری رکھنے اور 10 ہزار نئے طلبا کے اندراج سے متعلق قرارداد مسترد کر دی گئی۔
احساس انڈرگریجویٹ پروگرام جاری رکھنے سے متعلق قرارداد پی ٹی آئی کی سینیٹر ثانیہ نشتر نے ایوان بالا میں پیش کی۔
