ریاض: سعودی لڑکے کی ویڈیو سوشل میڈیا پر وائرل ہوگئی جس میں وہ برطانوی لب ولہجے میں انگریزی بول کر سعودی عرب کے تاریخی اور یادگار مقامات کا تعارف کروا رہا ہے۔
تفصیلات سترہ سالہ سعودی لڑکے احمد مانع آل مشرف نجران میں ایک تاریخ مقام کا تعارف برطانوی لب ولہجے میں انگریزی میں کرا رہے تھے، انہیں اس بات کا علم نہیں تھا کہ کوئی ان کی ویڈیو بنا رہا ہے، ویڈیوز بنانے والے ایک سے زیادہ تھے جن میں سے کسی ایک نے ان کی ویڈیو سوشل میڈیا پر جاری کی جو تیزی سے وائرل ہوگئی۔
احمد سے جب ان کی انگریزی کی مہارت کے حوالے سے پوچھا تو انہوں نے بتایا کہ میرا بچپن برطانیہ میں گزرا اور وہاں پرائمری تک تعلیم حاصل کی انہوں نے بتایا کہ مجھے انگریزی سے گہرا لگاؤ تھا تاہم سعودی عرب اور برطانیہ کے ثفافتی ماحول کا فرق انگزیزی زبان بہتر انداز میں سیکھنے، سمجھنے میں رکاوٹ تھا۔
شاهد .. الشاب النجراني أحمد آل مشرف عمرة 17 عام يتحدث بلهجة بريطانية عن أحد معالم المنطقة الأثرية، واجهة مشرفة تستحق الدعم من الواجب على هيئة السياحة استثمار مثل هذه العقول .
#سلامتك_يالذهبي_بغلف pic.twitter.com/tlr28wwhAH— سـالم آل كليب (@saeleem2874) September 4, 2020
احمد مانع آل مشرف کا کہنا تھا کہ اس حوالے سے گھر والوں نے میری بڑی مدد کی اس کے علاوہ برطانیہ میں اسکول کا ماحول بے حد عمدہ ہے، اس ماحول نے بھی مجھے انگریزی عمدہ انداز میں سیکھنے اور اپنانے کا موقع مہیا کیا۔
انہوں نے کہا کہ مجھے بڑی خوشی ہوئی کہ میرے انداز کو پسند کیا گیا، اب میرا عزم ہے کہ مستقبل میں نجران کے تمام اہم تاریخی مقامات کا معتبر، آسان اور دلچسپ تعارف تیار کر کے پیش کروں گا۔
سعودی لڑکے کا کہنا تھا کہ ثقافتی ورثے کے مقامات میرے نزدیک مٹی یا پتھر سے بنے مکانات سے زیادہ بہت کچھ ہیں، ان کی وجہ سے ہم اپنے بزرگوں کی زندگی اور ان کے طرز معاشرت سے واقفیت حاصل کرتے ہیں، انہیں دیکھ کر سمجھ آتی ہے کہ انہوں نے اپنے دور میں کس قسم کے چیلنجوں کا سامنا کیا۔
