تازہ ترین

سندھ حکومت نے ٹرانسپورٹ کھولنے کی مشروط اجازت دیدی

کراچی: عوام کے لیے خوشخبری ہے کہ سندھ حکومت نے پبلک ٹرانسپورٹ کو ایس او پیز کی شرائط کے ساتھ بحال کرنے کی اجازت دے دی۔

محکمہ سندھ کی جانب سے جاری نوٹیفکیشن کے مطابق ٹرانسپورٹ عدالتی فیصلے اور ٹرانسپورٹرز کے ساتھ طے ایس او پیز کے تحت کھولی جائے گی۔

حکومت نے تاجروں کی درخواست پر کاروباری اوقات میں بھی اضافہ کر دیا ہے، تجارتی مراکز ہفتے میں 5 دن صبح 6 سے شام 7 بجے تک کھلے رہیں گے۔

نوٹیفکیشن کے مطابق میڈیکل اسٹورز اور لازمی سروسز کےادارے24گھنٹےکھلےرہیں گے جب کہ صوبائی اورضلعی انتظامیہ کورونا پھیلنےکےخدشے پر فیصلہ تبدیل کرسکتےہیں۔

نوٹیفکیشن میں واضح کیا گیا ہے کہ شادی ہالز، بزنس سینٹر، ایکسپو ہال، تمام تعلیمی ادارے اور ٹریننگ سینٹربندرہیں گے، ہرقسم کےکھیلوں کی سرگرمیاں اور ٹورنامنٹ پرپابندی رہےگی۔

ریسٹورنٹ اورکیفےبندلیکن ہوم ڈیلوری کی اجازت ہوگی، تمام پارکس اور سی وی یو بند رہے گا، بیوٹی پارلر، سینما اور تھیٹر پربھی پابندی برقرار رہےگی۔

اسی طرح عوامی اجتماعات، ہرقسم کی جلسے جلوس اور مزاروں پر میلے بندہوں گے، سیاحت اور سیاحتی ہوٹلزبندرہیں گے۔

Comments

- Advertisement -