The news is by your side.

Advertisement

برطانیہ نے 6 کروڑ اضافی ویکسین کا آرڈر دے دیا

برطانیہ نے کورونا سے بچاؤ کے لیے موسم خزاں سے قبل 60 ملین اضافی ویکسین کا آرڈر دے دیا۔

ہیلتھ سیکرٹری میٹ ہینکاک نے معاونین کےہمراہ پریس بریفنگ میں بتایا کہ موسم خزاں میں بوسٹر ‏پروگرام کیلئے فائزر بائیوٹیک ویکسین کا آرڈر دے دیا ہے، 60 ملین اضافی ویکسین حاصل کی جائے ‏گی۔

انہوں نے کہا کہ اگلے موسم سرما سے قبل دوسری ڈوز بھی دے دی جائےگی، اس وقت ملک بھر ‏میں دوتہائی بالغ افراد کو ویکسین کی پہلی ڈوز لگائی جا چکی جب کہ ایک چوتھائی بالغ افراد کو ‏دوسری ڈوز بھی دی جاچکی ہے۔

میٹ ہینکاک نے بتایا کہ ویکسین کی ایک ڈوز گھر میں وائرس پھیلنےکا خطرہ نصف کر دیتی ہے، ‏نتائج حوصلہ افزا ہیں اس لیے ویکسین ہی وبا سےنکلنےکا واحد راستہ ہے۔

سیکرٹری ہیلتھ نے اعلان کیا کہ میں ویکسین کی پہلی ڈوز کل لگواؤں گا، 42 برس سے زائد عمر ‏کے افراد اب ویکسین کیلئے بکنگ کرا سکتے ہیں، وبا ختم ہونےکی غلط فہمی میں مبتلا نہ ‏ہوں،ابھی احتیاط جاری رکھیں۔

بھارتی عوام سے اظہار یکجہتی کرتے ہوئے انہوں نے کہا کہ بھارت سےآنےوالی تصاویردیکھ کردکھ ‏ہوتا ہے، برطانوی عوام بھارت کےلوگوں کیساتھ “شانہ بشانہ”کھڑی ہے، بھارت کو دینےکیلئےفی ‏الحال اضافی ویکسین دستیاب نہیں۔

Comments

یہ بھی پڑھیں