تارکین وطن کو روانڈا بھیجنے کے معاملے پر برطانیہ نے روانڈا سے نیا معاہدہ کر لیا۔
رپورٹ کے مطابق نئے معاہدے پر برطانوی وزیرداخلہ جیمز کلیورلی نےدستخط کئے ہیں۔ معاہدے کے تحت روانڈ اتارکین وطن کوآبائی ملک نہیں بھیجےگا۔
سپریم کورٹ کے روانڈا منصوبے کیخلاف فیصلےکے بعد نیامعاہدہ کیا گیا ہے۔
وزیرداخلہ جیمزکلیورلی کا کہنا ہے کہ روانڈا نے نئے معاہدے پر دستخط کر کے ساکھ مضبوط کی ہے برطانیہ یقینی بنائےگا تارکین وطن روانڈا میں محفوظ طریقے سے رہیں۔
سپریم کورٹ کے ججوں نے اپنے فیصلے میں کہا تھا کہ اس بات کے واضح خدشات موجود ہیں کہ روانڈا ڈی پورٹ ہونے والے افراد کو روانڈا حکومت ان جگہوں پر بھیج سکتی ہے جہاں وہ غیر محفوظ ہوں گے۔ یہ بھی کہا جا رہا ہے کہ کسی ملک کو محفوظ قرار دینا عدالت کے سامنے یہ ثابت کرنے کے مترادف نہیں ہے کہ وہ حقیقی طور پر بھی محفوظ ہے۔
واضح رہے کہ میڈیا رپورٹس میں کہا گیا ہے کہ ایمرجنسی قانون کے ذریعے روانڈا کو محفوظ ملک قرار دیا جائے گا، نیز روانڈا کے سیاسی پناہ کے متلاشیوں کو واپس بھیجنے اور انھیں واپس برطانیہ آنے سے روکنے کے متنازع منصوبے پر برطانوی حکومت اب تک 140 ملین پاؤنڈز خرچ کر چکی ہے، اور اسے عدالتی چیلنجز کا سامنا ہے۔
