کراچی میں کوئٹی کی ٹھنڈی ہواؤں کے باعث موسم شدید سرد ہوگیا۔
کراچی میں جمعہ کی رات ٹھنڈی ہواؤں کے باعث موسم سرد رہا اور شہر کا درجہ حرارت 10 ڈگری سینٹی گریڈ ریکارڈ کیا گیا۔
محکمہ موسمیات کے مطابق شہر میں ہوا کی رفتار 7 کلو میٹر ہے جبکہ دن میں ہوا 15 کلومیٹر فی گھنٹہ کی رفتارسےچلےگی اور اس میں نمی کا تناسب 61 فیصد ہے۔
محکمہ موسمیات کے مطابق دن میں موسم خشک اوررات میں سردرہےگا اور دن میں درجہ حرارت27 سے29 ڈگری سینٹی گریڈ تک رہےگا۔
دوسری جانب کوئٹہ میں درجہ حرارت صفر ہوگیا اور اسلام آباد میں کم سے کم درجہ حرارت 2 ڈگری سینٹی گریڈ ریکارڈ کیا گیا جب کہ پشاورمیں 2.5 ، گلگت میں 6 اور لاہور میں کم سے کم درجہ حرارت 7 ڈگری سینٹی گریڈ ریکارڈ کیا گیا۔
سائبیرین ہوائیں چلنے سے شمالی بلوچستان اور سندھ میں سردی کی شدت میں اضافہ ہوگیا۔
محکمہ موسمیات نے اتوار سے بارش اوربرفباری برسانے والا مغربی سسٹم شمالی بلوچستان میں داخل ہونے کی پیش گوئی کرتے ہوئے شمالی علاقہ جات اور بلوچستان میں شدید سردی کی وارننگ جاری کر دی ہے۔
