لاہور سے کراچی آنے والی نجی ائیرلائن کی پرواز میں اڑان کے بعد فنی خرابی کا واقعہ پیش آیا ہے۔
تفصیلات کے مطابق نجی ایئرلائن کی پرواز میں اڑان بھرنے کے کچھ دیر بعد ہی خرابی پیدا ہو گئی۔ پرواز ساہیوال کے قریب تھی کپتان کا ائیرٹریفک کنٹرولر سے رابطہ کیا۔
پائلٹ نے طیارے کی واپس لاہور ائیرپورٹ پر لینڈنگ کی اجازت مانگی، پائلٹ نے اجازت ملنے پر طیارے کی لاہور ائیرپورٹ پر ٹیکنکل لینڈنگ کی۔
طیارے کی فنی خرابی دور کرنے کیلئے انجینئرز کو طلب کر کے مسافروں کو لاؤنج منتقل کر دیا گیا ہے۔
متاثرہ نجی ایئرلائن کی پرواز کو دوپہر 3 بجے روانہ ہونا تھا تاہم پرواز نے 4 گھنٹے تاخیر کے بعد شام ساڑھے 7 بجے کراچی کیلئے آڑان بھری تھی۔
ایئرپورٹ ذرائع کا کہنا ہے کہ طیارے کی فنی خرابی دورنہ ہو سکی اور پرواز کو منسوخ کر دیا گیا۔
