site
stats
عالمی خبریں

برطانیہ اورترکی میں سوملین پاؤنڈ کا دفاعی معاہدہ طے پاگیا

انقرہ :برطانیہ اور ترکی کےدرمیان ایک سوملین پاؤنڈ کادفاعی معاہدہ طے پایاہے جس کے تحت برطانیہ ترک فضائیہ کے لیے لڑاکا طیارہ تیار کرنے میں مدد فراہم کرےگا۔

تفصیلات کےمطابق برطانیہ اور ترکی کے درمیان 100ملین پاؤنڈ کے دفاعی معاہدے کا اعلان برطانوی وزیراعظم تھریسا مے اور ترک صدر رجب طیب اردگان کے درمیان ملاقات کےبعدکیاگیا۔

اس موقع پر تھریسامے کا کہنا تھا کہ ترکی برطانیہ کے کا دیرینہ دوست ہے تاہم ان تعلقات کو مزید وسعت دینے کے لیے بہت کچھ کیا جاسکتا ہے۔ملاقات میں دونوں ملکوں کے درمیان تجارتی تعلقات کو مزید فروغ دینے کا اعلان بھی کیا گیا۔

ترک صدر نے کہا کہ ترکی برطانیہ سے اپنی سالانہ تجارت بیس ارب ڈالر تک بڑھانے کا ارادہ رکھتا ہے۔ابھی دونوں ملکوں کے درمیان سالانہ لگ بھگ سولہ ارب ڈالر کی تجارت ہورہی ہے۔

یاد رہےکہ گزشتہ سال 15جولائی کو ترکی میں حکومت کےخلاف ہونے والی بغاوت کے حوالے سے برطانوی وزیراعظم کاکہناتھاکہ ’ہمیں فخر ہے کہ آپ کی جمہوریت کے دفاع میں برطانیہ آپ کے ساتھ کھڑا تھا۔‘

واضح رہے کہ خیال رہے کہ 15 جولائی کو رجب طیب اردگان کے خلاف ناکام فوجی بغاوت کی کوشش میں کم از کم 246 افراد ہلاک ہوئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top