site
stats
سندھ

تھر انرجی کول، کوئلے کی خریداری اور دو بجلی گھر لگانے کا معاہدہ

تھر: سندھ اینگرو کمپنی سے تھل نوا اور تھر انرجی کا کوئلے کی خریداری اور 2 بجلی گھر لگانے کا معاہدہ طے پایا گیا ہے۔

تفصیلات کے مطابق تھرکول سائٹ پرمنعقدہ تقریب میں سندھ کول اینگرو کمپنی کے سربراہ شمس الدین شیخ، تھر انرجی کے سی ای او خالد منصور اور تھل نوا کے سی ای او خالد سراج سبحانی اور رانا ذوالفقار نے معاہدے پر دستخط کیے۔

معاہدے کے تحت تھل نوا اور تھرانرجی لمیٹڈ کوئلے کی کان پر 330 میگاواٹ کے 2 بجلی گھر لگائیں گی جس کے لیے دونوں کمپنیاں سندھ اینگرو کول مائننگ کمپنی سے سالانہ 1.9 ٹن کوئلہ خریدا کریں گی۔

علاوہ ازیں معاہدے کے تحت دونوں منصوبوں کے لیے سندھ اینگرو کمپنی 7.6ملین ٹن کوئلہ نکالنا شروع کرے گی جس سے کوئلہ کی قیمت کم ہو کر 41.35 امریکی ڈالر ہو جائے گی۔

اس حوالے سے منعقدہ تقریب سے خطاب کرتے ہوئے سندھ اینگرو کمپنی کے سربراہ شمس الدین شیخ نے کہا کہ سندھ اینگرو کمپنی توانائی بحران کے حل اورسستی بجلی فراہمی کے لیے تیزی سے زیر زمین موجود کوئلہ کو نکالنے کے لیے کھدائی کا کام کررہی ہے۔

انہوں نے مزید کہا کہ .ملک میں توانائی بحران کا واحد حل یہ ہی ہے کہ مقامی کوئلے کواستعمال میں لایا جائے جس سے سستی بجلی کے ساتھ روزگار کے مواقع بھی پیدا ہوں گے۔

ذرائع کے مطابق یہ بجلی گھر تھرکے کوئلہ سے 100 فیصد بجلی پیداوار کی صلاحیت رکھیں گے اوردونوں بجلی گھر 2020 سے بجلی کی پیداوار شروع کردیں گے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top