بھارت میں چور نے پولیس سے بچنے کے لیے چور کو سونے کی چین نگلنا مہنگا پڑ گیا۔
بھارتی میڈیا رپورٹس کے مطابق جھارکھنڈ کے علاقے رانچی میں دو ڈاکو جن کی شناخت سلمان اور جعفر کے نام سے ہوئی ہے، ملزمان نے ڈورنڈہ تھانے کے علاقے میں خاتون کے گلے سے سونے کی چین چھینی اور فرار ہوگئے۔
جائے وقوعہ سے کچھ ہی فاصلے پر پولیس اہلکاروں نے ان کا پیچھا کرنا شروع کردیا۔
پولیس اہلکاروں نے سلمان اور جعفر کو پکڑنے سے پہلے ان کا ایک کلومیٹر تک پیچھا کیا۔ سلمان نے گرفتاری سے بچنے کے لیے انتہائی اقدام کیا
پولیس کے چنگل سے بچنے کی کوشش میں اس نے چوری شدہ سونے کی چین نگل لی۔ تاہم پولیس افسران نے سلمان کو زنجیر نگلتے ہوئے دیکھا۔
ڈی ایس پی راجہ مترا نے سلمان کے پیٹ اور سینے کا ایکسرے کرانے کی ہدایت کی۔
ایکسرے کے دوران سلمان کے سینے میں سونے کی چین پھنسی ہوئی پائی گئی۔ زنجیر کی موجودگی کی وجہ سے سلمان کو سینے میں درد ہونے لگا بعد میں اسے علاج کے لیے راجندر انسٹی ٹیوٹ آف میڈیکل سائنسز میں داخل کرایا گیا۔
پولیس کا کہنا ہے کہ سلمان کے سینے سے زنجیر برآمد کی جائے گی، ڈاکٹروں کی ٹیم صورتحال پر گہری نظر رکھے ہوئے ہے۔ زنجیر کو گیسٹروسکوپی، اینڈوسکوپی، یا سرجری کے ذریعے ہٹا دیا جائے گا۔
فی الحال ملزم شخص آر ائی ایم ایس میں پولیس کی نگرانی میں زیر علاج ہے۔
