The news is by your side.

Advertisement

یہ جانور بھی انسانوں کے کورونا سے متاثر ہونے کا سبب! نئی تحقیق

ہانگ کانگ کے محققین کی ایک نئی تحقیق کے مطابق چوہوں کی ایک قسم ہیمسٹر سے کورونا وائرس انسانوں میں منتقل ہوسکتا ہے۔

ایک غیر ملکی جریدے میں شائع رپورٹ کے مطابق ہانگ کانگ کے محققین کو شواہد ملے ہیں کہ ہیمسٹر انسانوں میں وائرس منتقل کرسکتے ہیں۔

تحقیق کے لیے پالتو جانوروں کی دکانوں سے جمع کیے گئے جانوروں کے نمونوں کی جانچ کی گئی۔

اس تحقیق میں ہیمسٹر سے انسانوں میں وائرس کی منتقلی کے دو مختلف کیسز کا مشاہدہ کیا گیا۔

مطالعہ کے مطابق زیربحث ہیمسٹرز ہانگ کانگ کو درآمد کرنے سے پہلے وائرس کا شکار تھے۔

اس تحقیق سے محققین نے یہ نتیجہ بھی اخذ کیا کہ پالتو جانوروں کی تجارت سرحدوں کے پار کوویڈ 19 کے پھیلاؤ میں سہولت فراہم کرنے کا ایک طریقہ بھی ہوسکتا ہے۔

اس تحقیق سے پتہ چلتا ہے کہ ’’گھریلو ہیمسٹر‘‘ نہ صرف کوویڈ 19 سے متاثر ہوسکتے ہیں بلکہ وائرس کو دوبارہ انسانوں میں منتقل کرسکتے ہیں۔

Comments

یہ بھی پڑھیں