پہیلیاں صرف دماغ کو فعال ہی نہیں کرتیں، بلکہ اسے بوجھنے کا انداز آپ کی شخصیت کے راز بھی کھول سکتا ہے، ایسی ہی ایک مشق آج ہم آپ سے کروانے جارہے ہیں جو آپ کی شخصیت کو آشکار کرے گی۔
ایک تصویری پہیلی جو اینمل اونلی کے فیس بک پیج پر شیئر کی گئی ہے، سوشل میڈیا پر خوب مقبول ہورہی ہے۔
اس تصویر کو پہلی نظر میں دیکھنے پر لگتا ہے کہ کسی بڑے جانور کی کھال ہے مگر حقیقت اس کے برعکس ہے۔
اگر آپ بھی انہی افراد میں سے ہیں جو اسے کسی جانور کی کھال سمجھ رہے ہیں تو جان لیں آپ کسی بھی معاملے میں کم دلچسپی رکھتے ہیں، اور کسی مسئلے کو سمجھنے کے لیے زیادہ کوشش نہیں کرتے۔
آپ جیسا ہے قبول ہے کا طرز عمل اپناتے ہیں اور جو دکھائی دے رہا ہوتا ہے اس پر یقین کر لیتے ہیں۔
اگر آپ ایسے افراد میں شامل ہیں جنہوں نے پہلے اسے کسی جانور کی کھال سمجھا لیکن بعد میں محسوس ہوا کہ یہ کچھ اور ہے۔ اسے مزید جاننے کے لیے کوشش کرنے لگ گئے، تو آپ اس طرح کی شخصیت رکھتے ہیں جو کسی بھی معاملے کو سرسری نگاہ سے نہیں دیکھتے بلکہ اسے جاننے کی کوشش کرتے ہیں۔
دراصل یہ تار پر پڑی کسی جانور کی کھال نہیں ہے بلکہ کپڑے کچھ اس اندازمیں سکھائے گئے ہیں کہ وہ جانور کی کھال کا منظر پیش کر رہے ہیں۔
وہ افراد جنہوں نے یہ جان لیا کہ یہ کھال نہیں ہے بلکہ یہ کپڑے ہیں تو ایسے افراد بے حد ذہین اور تیز دماغ رکھتے ہیں جو چیزوں کی حقیقت کو جان لیتے ہیں، ایسے لوگوں کو کوئی دھوکہ نہیں دے سکتا، اور وہ ممکن حد تک کوشش کرتے ہیں کہ ہر معاملے کو اچھی طرح پرکھا جائے۔
