The news is by your side.

Advertisement

عامر سے الجھنے والے افغان کرکٹر کو ’پریرا‘ نے لاجواب کردیا

ہمبنٹوٹا: لنکن پریمیئر لیگ (ایل پی ایل) میں فاسٹ بولر محمد عامر نے الجھنے والے افغان کرکٹر نوین الحق کو تھسارا پریرا نے لاجواب کردیا۔

تفصیلات کے مطابق لنکن پریمیئر لیگ میں کینڈی ٹسکرز کے افغان فاسٹ بولر نوین کے اسٹالینز کے سری لنکن آل راؤنڈر تھسارا پرایرا نے چھکے چھرا دئیے۔

تھسارا پریرا نے افغان فاسٹ بولر نوین کی جم کر پٹائی کی اور ایک اوور میں 19 رنز بنائے، افغان کرکٹر پریرا کے سامنے بے بسی کی تصویر بنے رہے۔

نوین نے پہلی دو گیندیں ڈاٹ کرائیں، اس کے بعد دو گیندوں پر دو، دو رنز بنے، پانچویں گیند نو بال ہوئی جس پر پریرا نے چھکا رسید کیا، اس کے بعد ایک وائیڈ بال ہوئی، آخری دو گیندوں پر پریرا نے لگاتار دو چوکے لگائے۔

واضح رہے کہ گزشتہ روز ایل پی ایل میں کینڈی ٹسکرز کے افغان فاسٹ بولر نوین الحق اور گال گلیڈی ایٹرز کے محمد عامر کے درمیان تلخ کلامی ہوگئی تھی۔

محمد عامرکی جانب سے چوکا لگانے پر افغان بولر نوین آپے سے باہر ہوگئے، بولر نے عامر کو برا بھلا کہا گیا جس پر عامر نے بھی جواب دیا اور اگلے ہی اوور میں پھر چھکا لگادیا جب کہ میچ ختم ہونے کے بعد بھی دونوں کے درمیان تلخ کلامی جاری رہی۔

میچ کے بعد شاہد آفریدی نے بھی افغان بولر نوین الحق پر اپنے غصے کا اظہار کیا اور نوین الحق کو آنکھیں دکھائیں یہی نہیں آفریدی نے افغان بولر پر غصہ دکھایا اور پھر معاملہ حل کرنے کا کہا۔

Comments

یہ بھی پڑھیں