کراچی : بھارتی قید سے رہائی پانے والے 3پاکستانی ماہی گیر کراچی پہنچ گئے ، فشرمین کوآپریٹو سوسائٹی کا کہنا ہے کہ اب بھی 92 ماہی گیر بھارتی جیلوں میں قید ہیں۔
تفصیلات کے مطابق بھارتی قید سےرہائی پانے والے تین ماہی گیرکراچی پہنچ گئے، یہ ماہی گیراٹھائیس جون کو واہگہ کے راستے لاہور پہنچے تھے، جہاں ماہی گیروں کوچودہ روزقرنطینہ میں رکھا گیا۔
جس کے بعد ماہی گیر رات گئے شالیمار ایکسپریس کے ذریعے کراچی کینٹ اسٹیشن پہنچے، جہاں الیکشن آ فسر ساجد سرہیو کی ہدایت پر منیجر شوکت حسین کی سربراہی میں فشر مینز کو آپریٹو سوسائٹی کی ٹیم نے ان کا استقبال کیا۔
ماہی گیروں میں وٹو محمد اور محمد جمن ساڑھے تین سال سے قید تھے جبکہ محمد حسن بھارتی جیل میں پانچ سال قید کاٹنے کے بعد وطن واپس پہنچے۔
فشرمین کوآپریٹو سوسائٹی کے مطابق اب بھی بانوے ماہی گیر بھارتی جیلوں میں قید ہیں۔
واضح رہے کہ رہائی پانے والے ماہی گیروں کو دسمبر2018میں بھارتی فورسز نے مچھلی کے شکار کے دوران گرفتار کر لیا تھا۔
