کراچی : شہرقائد کےعلاقےچاکیواڑہ میں پولیس نے گینگ وار کاندروں کے خلاف کارروائی میں تین ملزمان کو ہلاک کردیا۔
تفصیلات کےمطابق کراچی کے علاقے چاکیواڑہ میں پولیس نے خفیہ اطلاع پر کارروائی کی اس دوران گینگ وار ملزمان نے پولیس کو دیکھتے ہی فائرنگ کردی۔
پولیس اور ملزمان کےدرمیان فائرنگ کےتبادلے میں تین ملزمان ہلاک کردیے۔ملزمان کی شناخت گل حسن عرف لال سائیں، شہزاد عرف شکر اور انس کےنام ہوئی ہے جواغوا برائےتاوان،بھتہ خوری سمیت سنگیں واردتوں میں ملوث تھے۔
دوسری جانب کراچی کےعلاقے شاہ فیصل کالونی نمبر تین میں پولیس نے کارروائی کرکے سیاسی جماعت کےسیکٹرانچارج محمود خان عرف چانڈیو کو بھتہ لینے کے الزام میں حراست میں لے لیا ہے۔
کراچی میں پولیس کی ٹارگٹڈ کارروائیاں،17ملزمان گرفتار
ادھرپولیس نے شریف آباد،گلبرگ اور سائٹ میں کارروائیاں کرکے چارملزمان کو حراست میں لے کر اسلحہ اور مسروقہ موٹر سا ئیکلیں برآمد کرلیں ہے۔
واضح رہےکہ گزشتہ روزٹارگٹڈ کارروائیوں میں پولیس نے دو مفرورسمیت سترہ ملزمان کو گرفتار کرکے ان کے قبضے سے غیرقانونی اسلحہ اورمسروقہ سامان برآمد کرلیاتھا۔
