The news is by your side.

Advertisement

ایف سی کی کوہلو میں کارروائی، تین دہشت گرد ہلاک

کوئٹہ: فرنٹیئر کور نے بلوچستان کے شہر کوہلو میں کارروائی کرتے ہوئے تین دہشت گرد ہلاک کردیے، کارروائی میں ایک دہشت گرد زخمی ہوا۔

تفصیلات کے مطابق کارروائی کوہلو میں دہشت گردوں کی موجودگی کی انٹیلی جنس اطلاع پر کی گئی، اطلاع ملتے ہی ایف سی نے علاقے کو گھیر لیا تھا۔

ایف سی حکام کا کہنا ہے کہ کوہلو کارروائی میں مارے گئے دہشت گردوں کا تعلق بلوچستان کی ایک کالعدم تنظیم کے ساتھ ہے، ہلاک دہشت گرد بارودی سرنگ نصب کرنے میں ملوث تھے۔

واضح رہے کہ ملک بھر میں جاری آپریشن رد الفساد کے تحت بلوچستان کے علاقے کوہلو میں بھی سیکورٹی فورسز کی کارروائیاں ہوتی رہی ہیں۔

آپریشن ردالفساد : جنوبی وزیرستان اور کوہلو میں کارروائیاں، اسلحہ برآمد،3گرفتار


گزشتہ ماہ کے آغاز میں سیکورٹی فورسز نے بلوچستان کے علاقے کوہلو میں انٹیلی جنس بیس آپریشن کر کے بھاری تعداد میں اسلحہ، بارود، راکٹ اور مارٹر گولے برآمد کیے تھے۔


خبر کے بارے میں اپنی رائے کا اظہار کمنٹس میں کریں،مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں