ریاض : سرکاری خزانے سے اہل خانہ کے نام بیرون و اندرون ملک جائیدایں بنانے اور اہل خانہ کی کمپنیوں کے نام لاکھوں ملین ڈالر کے غیر قانونی ٹینڈرجاری کروانے والے تین سعودی رائل گارڈ کے افسران گرفتار ہوگئے۔
غیر ملکی خبر رساں ادارے کی رپورٹ کے مطابق گزشتہ روز شاہی محافظوں کی گرفتاری کا واقعہ پیش آیا تھا جس میں ایک افسروں کو گرفتار کیا گیا ہے۔
سعودی انسداد کرپشن کا کہنا تھا کہ گرفتار اہلکاروں نے اپنے اہل خانہ کے نام بنی کمپنیوں کو 400 ملین ڈالر کے ٹینڈر جاری کروائے تھے۔
میڈیا ذرائع کے مطابق گرفتار افسران میں ریٹائرڈ میجر جنرل، کرنل اور لیفٹیننٹ کرنل رینک کے افسران شامل ہیں، جن کی نشاندہی پر مزید 21 افراد کو حراست میں لیا گیا ہے۔
سعودی ذرائع کا کہنا ہے کہ کمپنیوں کو غیرقانونی طور پر سرکاری خزانے سے ادائیگیاں کی گئیں اور بیرون و اندرون ملک سرکاری مال پر جائیدایں بھی خریدی گئیں۔
سعودی میڈیا کے مطابق مذکورہ افراد شاہی گارڈز کے شعبہ خریداری اور کنٹریکٹ ڈیپارٹمنٹ سے وابستہ رہے ہیں۔
