کراچی: شہر قائد کے علاقے لائنز ایریا میں کچرا پھینکنے پر شہری کو قتل کرنے والے پولیس اہلکار کو زخمی حالت میں گرفتار کر لیا گیا۔
تفصیلات کے مطابق کراچی کے علاقے لائنز ایریا میں عمران نامی پولیس اہل کار نے کچرا پھینکنے کے تنازع پر اپنے پڑوسی کو گولی مار کر قتل کر دیا تھا، پولیس حکام کا کہنا ہے کہ مذکورہ اہلکار کو زخمی حالت میں گرفتار کر لیا گیا ہے۔
پولیس حکام کے مطابق اہلکار نے شہری کو قتل کرنے کے بعد خود کو فائرنگ کر کے زخمی کر دیا تھا، ملزم اہل کار نے اپنے ہی پیروں پر گولی ماری اور مخالفین پر الزام لگایا۔
- Advertisement -
کراچی میں کچرا پھینکنے پر پولیس اہلکار کی فائرنگ سے شہری جاں بحق
بریگیڈ پولیس نے شہری کے قتل میں ملوث مرکزی ملزم کو اسپتال سے گرفتار کیا۔
